Showing posts with label
కాలజ్ఞానం - వీరబ్రహ్మేంద్ర స్వామి.
Show all posts
Showing posts with label
కాలజ్ఞానం - వీరబ్రహ్మేంద్ర స్వామి.
Show all posts
2012 లో ఏమి జరగనుంది ? ..... ప్రతి ఒక్కరు ఏదో జరుగుతుంది అనే భయంతో వణికిపోతున్నారు. ప్రధాన కారణాలు ఏమిటి?.... మయాన్ కాలెండరు నిజమే చెబుతుందా?..... ప్రపంచం వినాశనమగుననే ప్రచారం నిజమేనా ? .... ఇంతటి ప్రచారానికి అడ్డుకట్ట వేయలేమా? ... ప్రసార మాధ్యమాలు, ఇంటర్నెట్ విశేషాలు ప్రపంచ ప్రజలకు నగ్న సత్యాలే తెలుపుతున్నాయా? లేక తప్పు సమాచారం అందిస్తున్నాయా?... ఈ విషయం లో వైజ్ఞానిక శాస్త్రం ఏముంటుంది?.... వేదాలు ఏమని ఘోషిస్తున్నాయి?.. జ్యోతిష్య శాస్త్రం తెలిపేది ఏమిటి? ... ఎన్నో.. ఎన్నెన్నో ప్రశ్నలు ఉదయిస్తున్నాయి... ప్రపంచ ప్రజలు మాత్రం 2012 ప్రపంచ అంతం అనే మాటతో అట్టుడికిపోతున్నారు..... దీనిలో భాగంగా 2012 లో గ్రహ స్థితులు ఎలా వున్నాయి?... గ్రహణాలు ఎలా వున్నాయి?.. ప్రభావాలు ఎలా వుంటాయి? ... చివరికి ఫలిత సారాంశం ఏమిటి? ఈ నేపధ్యంలో గా ఈ 21 వ శతాబ్దపు రెండవ శుక్ర గ్రహణ వివరాలను మీ ముందువుంచుతున్నాను.
శుక్ర గ్రహణ మేమిటని .... అనుకుంటున్నారా?... అవును. నిజమే గ్రహణాలు సూర్య చంద్రులకే కాదు. మిగిలిన గ్రహాలకు కూడా అరుదుగా వస్తుంటాయి. రాహువు లేక కేతువుతో కలిసిన ఓ సరళరేఖపైకి భూమి సూర్యునికి మధ్య చంద్రుడు అడ్డు వచ్చినప్పుడు సాధారణంగా సూర్య గ్రహణం జరుగుతుంది. అలాగాకా సూర్యునికి భూమికి మధ్య చంద్రుడి బదులు శుక్రుడు వచ్చినచో.... శుక్ర గ్రహణం ఏర్పడి...శుక్ర గ్రహం ఒక గుండుసూది ఆకృతిలో సూర్యుని బింబముపై నల్లని చుక్కలా గోచరమవుతుంది.
ఈ శతాబ్దిలో తారణ నామ సంవత్సరంలో జైష్ట బహుళ షష్టి మంగళవారం ది 8 జూన్ 2004 దిన శుక్ర గ్రహణం ఏర్పడి శతాబ్ది తొలి శుక్ర గ్రహణం సూర్యబింబంపై కనువిందు చేసినది. ఈ వైనము మా తారణ సంవత్సర 6 వ పేజీలో పేర్కొన్నాము. ఇలాగే రాబోవు నందన నామ సంవత్సర జ్యేష్ట బహుళ విదియ బుధవారము పూర్వాషాడ నక్షత్ర దినము ది 6 జూన్ 2012 దిన, వృషభ రాశిలో రోహిణి నక్షత్రంలో కేతు గ్రస్తంగా శతాబ్ది రెండవ శుక్ర గ్రహణం సంభవించనుంది. గత తారణ సంవత్సరంలో ( 2004 - 05 ) వచ్చిన శుక్ర గ్రహణం ప్రారంభం నుంచి అంత్యం వరకు భారతదేశంలో గోచరమైనది.
ఈ 2012 లో వచ్చే శుక్ర గ్రహణం ప్రారంభ సమయం భారతదేశంలో రాత్రి భాగమైనందున గ్రహణ స్పర్శను భారతదేశంలో చూడలేకపోతున్నాము. గ్రహణ మధ్య కాలమునకు ఒక గంట ముందు నుంచి భారతదేశంలో వివిధ ప్రాంతాలలో సూర్యోదయాలు అయినందున..... మనమందరమూ అతి స్పష్టంగా మసి పూసిన అద్దముతో కానీ, ఫిలింతో కానీ, సోలార్ ఫిల్టరు తో కానీ.... సూర్యబింబంపై కదిలి వెళ్ళే గుండుసూది మొన ఆకృతి గల శుక్ర గ్రహాన్ని నల్లని చాయలో దర్శించుకొనవచ్చును. సూర్య బింబము ఒకవైపు వెలుపలి అంచు నుంచి.... రెండవ వైపు వెలుపలి అంచు వరకు శుక్రుడు 400 నిమిషాల సేపు ప్రయాణం చేస్తాడు..... అంటే .... 6 గంటల 40 నిమిషాలు అన్నమాట. సూర్య బింబం ఓ వైపు లోపలి అంచు నుంచి... మరో వైపు లోపలి అంచు వరకు శుక్ర గ్రహణం కనపడే సమయము 364 నిమిషాలు.... అంటే.... 6 గంటల 4 నిమిషాలు అన్నమాట.
ఉత్తరార్ధ గోళములో ఈశాన్య స్పర్శతో ప్రారంభమైన గ్రహణ శుక్రుడు... వాయివ్య భాగంలో మోక్షమునొందును. ఆద్యంతం పుణ్యకాలము 6గంటల 4 నిమిషాలు అన్నమాట. భారత కాలమానం ప్రకారం 2012 జూన్ 6 సూర్యోదయానికి పూర్వము 3 గంట 21 నిమిషములకు శుక్రుడికి గ్రహణం స్పర్శించును. ఈ స్పర్శను భారతంలో రాత్రి సమయమందున వీక్షించలేము. శుక్ర గ్రహణ మధ్య కాలము 6 ఉదయం 6 గంటల 59 నిమిషాలు. శుక్ర గ్రహణ అంత్య కాలము ఉదయము 10 గంటల 01 నిమిషములు. భారతదేశంలో సూర్యోదయాలు జరిగనప్పటి నుంచే, అన్ని ప్రాంతాలలో నల్లని గుండుసూదిమొన లాంటి మచ్చతో శుక్ర గ్రహణం దర్శనమగును.... అంటే మచ్చతోనే సూర్యబింబం దర్శనమిస్తుంది.
ప్రపంచంలోని వివిధ ప్రాంతాలలో శుక్ర గ్రహణాన్ని వీక్షించవచ్చును. ఉత్తర అమెరికాలో వాయువ్య భాగం, పచ్చిమ ఫసిఫిక్, ఉత్తర ఆశియా, జపాన్, కొరియా, తూర్పు చైనా, తూర్పు మధ్య యూరప్, తూర్పు ఆఫ్రికా ప్రాతాలలో శుక్ర గ్రహణం కనపడుతుంది. పోర్చుగల్, దక్షిణ స్పెయిన్, పశ్చిమ ఆఫ్రికా ప్రాంతాలలో గ్రహణం కనబడదు.
ఈ 2012 లో కనపడే శుక్ర గ్రహణ సమయంలో వివాహాది శుభకార్యాలు నిషిద్ధం. శుక్ర గ్రహణం రావాలంటే.... ఆ సమయంలో శుక్ర మూడమి ఏర్పడి వుండాలి. శుక్ర మూడమి ఏర్పడకుండా శుక్ర గ్రహణం రానేరాదు. అందుచేత జూన్ 2012 మొదటి పది రోజులలో శుక్ర మూడమి వుంటుంది.
source :-
templesdiary.com
Read more >>
జన్మా సాధన దేనికో జీవా!ఖర్మకూ బాధ్యుడా వోయ్ జీవా!
జన్మా సాధన దేనికో జీవా!ఖర్మకూ బాధ్యుడా వోయ్ జీవా!
దారి లేని యూరిలోనా దాగియున్నది ఖర్మఫలము,
అనుభవింపక తప్పదోయ్ జీవా!
నీవనుభవింపక తప్పదోయ్ జీవా!
జన్మా సాధన దేనికో జీవా!ఖర్మకూ బాధ్యుడా వోయ్ జీవా!
ఎందుకొచ్చిన అహంభావము అంతులేని, మతద్వేషము.
ముందు గతినీ గానవోయ్ జీవా!
నీ బ్రతుకునూ సవరించుకో జీవా!
జన్మా సాధన దేనికో జీవా!ఖర్మకూ బాధ్యుడా వోయ్ జీవా!
వీరగురుని మందుగొనరే...ఓ నరులారా! వీరగురుని మందుగొనరే...!
వీరగురుని మందుగొనరే...ఓ నరులారా! వీరగురుని మందుగొనరే...!,
వీరగురుని మందు మీరు ప్రేమతో భుజింపడయ్యా.
కామక్రోధ,లోభములను రూపు మాపే మాపు మందు..
వీరగురుని మందుగొనరే...ఓ నరులారా! వీరగురుని మందుగొనరే...!,
గరిమరెడ్డి వారి ఇంట గోవులాను గాశీనారు, స్వచ్ఛమైన కాలజ్ఞానము రవ్వల కొండలలో రాశీనారు.
వీరగురుని మందుగొనరే...ఓ నరులారా! వీరగురుని మందుగొనరే...!,
కందిమల్లయ్య పాలెమందు కాలజ్ఞానము తెలిపిన గురుడు, గోవిందమాంబను పెండ్లియాడి, రాజ యోగమందు గురుడు
వీరగురుని మందుగొనరే...ఓ నరులారా! వీరగురుని మందుగొనరే...!,
కోటలాటి కోటా. జగతిలో ఏ కోట లేదు.
వెయ్యి బురుజుల కోటై యున్నది_ఏడు ఏరులు బారుచున్నది.
ఎరిగి పొయ్యే గుర్రమున్నది_వెళ్ళిపొయ్యేది బాటై యున్నది..
కోటలాటి కోటా. జగతిలో ఏ కోట లేదు.
కొండల నడుమ కొంగ యున్నది_కొంగ ముక్కులో లోకమున్నది.
కోటి దీపములు వెలుగుచున్నది_కోరిన వారికి ఫలమౌచున్నది..
కోటలాటి కోటా. జగతిలో ఏ కోట లేదు.
ఆరు కొమ్ముల యేనుగున్నది_ఐదు కోతులను మేపుచున్నది.
ఆవల యివల జూచుచున్నది_అతిశయమైన ఆటాడుచున్నది..
కోటలాటి కోటా. జగతిలో ఏ కోట లేదు.
మేఘము లేని వర్షమున్నది_మేకలనైదు మేపుచున్నది.
మేఘములో ఫలమేయుచున్నది_మేలిమైన వైభోగమున్నది..
కోటలాటి కోటా. జగతిలో ఏ కోట లేదు.
మూలాధారమునందు యున్నది_మూల మూలకీ తిరుగుచున్నది.
మూలస్థానము ఒకటై యున్నది_మూల జ్యోతియై వెలుగుచున్నది..
కోటలాటి కోటా. జగతిలో ఏ కోట లేదు.
కాదములైదు బాగా యున్నది_నాలుగు దిక్కుల మ్రోగుచున్నది.
నాణ్యమైన భోగమున్నది_ఆది దేవుడు ముందున్నాడు..
కోటలాటి కోటా. జగతిలో ఏ కోట లేదు.
ఒంటి స్థంభము మేడ యున్నది_ఒకటి చూపుడులను చూచుచున్నది.
వూరి కప్ప వలె నవ్వుచున్నది_ఒకటి ఒకటి సరిపడుచున్నది.
కోటలాటి కోటా. జగతిలో ఏ కోట లేదు.
పదమూడామడ పట్టణమున్నది_పాపల నడుమ లింగమున్నది.
పాము శిరసున పండు యున్నది_పరమ భక్తులకు ఎరుకైయున్నది..
కోటలాటి కోటా. జగతిలో ఏ కోట లేదు.
వీరబ్రహ్మము వాక్కుయున్నది_వివరము తెలిసితే బాగైయున్నది.
ఇంటిలోపల అన్నియున్నవి_వీధి లోపల వెలుగుచున్నది..
కోటలాటి కోటా. జగతిలో ఏ కోట లేదు.
వినుడి బ్రహ్మము మాయ వినుడి వినుడి జనులారా దుడుకూలు విడవండి
వినుడి బ్రహ్మము మాయ వినుడి వినుడి జనులారా దుడుకూలు విడవండి.
తడవులేదు వీరగురుడు పల్కిన వాక్యం.
వినుడి బ్రహ్మము మాయ వినుడి వినుడి జనులారా దుడుకూలు విడవండి.
తడవులేదు వీరగురుడు పల్కిన వాక్యం.
శంకాలు జేసేటి కుంకాల నందరిని లంకిణి పల్లెకు జాటించచూచుచు
వినుడి బ్రహ్మము మాయ వినుడి వినుడి జనులారా దుడుకూలు విడవండి.
తడవులేదు వీరగురుడు పల్కిన వాక్యం.
రండి రాజ్యము నుంచి దండ మారి వచ్చి చండి వేసేటి వేళ అండాయ మీకు
వినుడి బ్రహ్మము మాయ వినుడి వినుడి జనులారా దుడుకూలు విడవండి.
తడవులేదు వీరగురుడు పల్కిన వాక్యం.
ఆకాశ వీధిలో రాకాసి గుంపులు కేకలు బెట్టుచూ వచ్చు కాలమాయె
వినుడి బ్రహ్మము మాయ వినుడి వినుడి జనులారా దుడుకూలు విడవండి.
తడవులేదు వీరగురుడు పల్కిన వాక్యం.
పోతూలవలె వారు హేతువు దెలియక పోతులూరి గురుడు హేతువు దల్పెను.
వినుడి బ్రహ్మము మాయ వినుడి వినుడి జనులారా దుడుకూలు విడవండి.
తడవులేదు వీరగురుడు పల్కిన వాక్యం.
ఒప్పుగాను శివపోతులూరి గురుడు ఎప్పుడో ఏ వేళ వచ్చియున్నాడని.
వినుడి బ్రహ్మము మాయ వినుడి వినుడి జనులారా దుడుకూలు విడవండి.
తడవులేదు వీరగురుడు పల్కిన వాక్యం.
source :-
templesdiary.com
Read more >>
శ్రీ వీర బ్రహ్మేంద్ర స్వాముల వారి ఆధ్యాత్మిక కాలజ్ఞాన తత్త్వములు
చంచలంబగు జగతి లోపల శాశ్వితం బొకటేదిరా!
చంచలంబగు జగతి లోపల శాశ్వితం బొకటేదిరా!
కన్ను మూసి తెరచులోపల కలిమిలేములు మాయురా ( మారురా )!
చంచలంబగు జగతి లోపల శాశ్వితం బొకటేదిరా!
కన్ను మూసి తెరచులోపల కలిమిలేములు మాయురా ( మారురా )!
మాయ సంసారంబురా ఇది మనసు నిలకడ లేదురా!
అన్నదమ్ములు ఆస్థిపాస్తులు అందరురును ఇల మాయరా!
చంచలంబగు జగతి లోపల శాశ్వితం బొకటేదిరా!
కన్ను మూసి తెరచులోపల కలిమిలేములు మాయురా ( మారురా )!
బంకమట్టి ఇల్లురా ఇది, అగ్గి బుగ్గై పోవురా!
నాది నీది యనుచు నరుడా వాదులాడబోకురా!
చంచలంబగు జగతి లోపల శాశ్వితం బొకటేదిరా!
కన్ను మూసి తెరచులోపల కలిమిలేములు మాయురా ( మారురా )!
రాజు పేదయనెడి భేధము జీవముండేవరకురా!
మట్టి మట్టి కలిసితెనిక ఎట్టి భేధము లేదురా!
చంచలంబగు జగతి లోపల శాశ్వితం బొకటేదిరా!
కన్ను మూసి తెరచులోపల కలిమిలేములు మాయురా ( మారురా )!
తత్త్వమర్మము తెలియకా నీవు తప్పు త్రోవల బోకురా!
ఆత్మయొక్కటె చావు లేకను అంతటను వెలుగొందురా!
చంచలంబగు జగతి లోపల శాశ్వితం బొకటేదిరా!
కన్ను మూసి తెరచులోపల కలిమిలేములు మాయురా ( మారురా )!
ఎవరు రారు వెంట! ఎందుకు నీకీ తంటా!
ఎవరు రారు వెంట! ఎందుకు నీకీ తంటా!
సారము లేని సంసారములో,
అందిన కొద్ది ఖర్మను చేసి,
కాలము తెలియక కాటికి పోతివి.
ఎవరు రారు వెంట! ఎందుకు నీకీ తంటా!
ధనము చూచి మురిసిపోకుమా,
దానధర్మము నీకు తోడురా,
పరమేశ్వరుని మరచిపోకురా,
ముక్తి మార్గము నీకు తోడురా.
ఎవరు రారు వెంట! ఎందుకు నీకీ తంటా!
మేడలు మిద్దెలు స్థిరమని బ్రమచకు,
కులములు మతములు కూలిపోవురా,
వీరగురువుని సేవ చేయరా,
ముక్తి మార్గమే నీకు తోడురా.
ఎవరు రారు వెంట! ఎందుకు నీకీ తంటా!
source :-
templesdiary.com
Read more >>
ఒకనాడు పరీక్షిత్ మహారాజు దిగ్విజయ యాత్ర చేస్తున్న సందర్భంలో ఒక ఆశ్చర్య కరమైన విషంయం చూశాడు. ఒంటి కాలు కలిగిన ఎద్దు ఒకటి నిలుచుని ఉంటే, దాని ముందు ఆవు ఒకటి నిలబడి పిల్లలగూర్చి జాడ తెలియక బాధపడుచున్న దానివలే ఏడుస్తూ ఉంది. అప్పుడు ఆ ఎద్దు " ఎందుకు ఏడుస్తున్నావు మంగళ ప్రదురాలా? " అని ప్రశ్నిస్తుంది. అందుకా ఆవు "నేను ఏడుస్తున్నది నాగురించి కాదు, నేడు ఆశ్రీలలనేశుడి లేమి వలన కాలముచే నీకు ఒంటి కలయ్యెను కదా!? అని దుఃఖిస్తున్నాను. ఆ కలి ప్రభావముచే దేవతలకు, ఋషులకు, పితృదేవతలకు, ధీయుతులకు, నీకు, నాకు, గోవులకు, వర్ణాశ్రమలకు బాధ కలుగుతుంది కదా అని బాధ పడుతున్నాను" అంటుంది.
ఒక్క కాలు మీద ఎద్దు ఎలా నిలబడగలదూ? దానిని చూసి ఆవు విలపించడమేమిటీ? అంటే అక్కడ ఉన్నది మామూలు ఆవూ, ఎద్దులు కాదు. ఆ ఆవు భూదేవి, వృషభం ధర్మ దేవత. కృష్ణ నిర్యాణానంతరం కలియుగం ప్రారంభ సమయంలో కలి ప్రవేశించి నపుడు ఆ కలి పురుషుని ప్రభావం వలన ధర్మము యొక్క ( సత్యము, శౌచము, తపస్సు, దయ అను ) నాలుగు పాదములలో 3 నశించి ఒక్క కాలు మాత్రమే మిగిలినందులకు ఆ భూదేవి విలపించుచున్నది. నశించినవేవి? శౌచము, తపస్సు, దయ అను నవి నశించినవి. మిగిలినది సత్యము. ఇది ఎప్పటికీ నశించదు.
దుష్ట సంగము వలన శౌచము, సమ్మోహము వలన తపస్సు, అహం కారము వలన దయ నశించినవి. అవి నశించుట వలన పైన తెలిపిన 8 మందికీ బాధ కలుగుతుంది.
ఈ విధంగా ఆవు దుఃఖిస్తుండగా అపారమైన కోపం కలవాడు, దండము చేతిలో కలిగినవాడు, రాజు ఆకారంలో ఉన్న వాడు, ఖఠినాత్ముండు అయిన వాడు ఒకడు వచ్చి ఆవును తన కాలితో తన్నాడు. ఆ ఆవు క్రింద పడి పోయినది. ఒంటి కాలు మీద నిలబడిన ఎద్దుని కూడా తన్నాడు. అది కూడా క్రింద పడి పోయినది. క్రింద పడి వాటిని తన చేతిలోని దండముతో విపరీతముగా కొట్టనారంభించాడు. అవి కనులనుండి నీరు కారుతుండగా విలపిస్తున్నాయి.
దూరమునుండి అది చూచిన పరీక్షిత్తు వాటిని సమీపించి ఆ గోవును భూమాతగాను, వృషభమును ధర్మముగాను గుర్తించి అమ్మా మీకీ దీనావస్థ కలుగుటకు కారణము ఎవరు? మీకు మూడు కాళ్లు లేక పోవుటకు కారణము ఎవరు ? ఎంతటి వారైనప్పటికినీ నేను వారి చేతులను ఖండఖండములుగా చేసి మిమ్ము రక్షించెదను సెలవిమ్మని అడిగెను.
అందుకా గోమాత " కొందరు కాలమన్నారు,కొందరు కర్మ అన్నారు, ఇది యుగ సంధి అన్నారు, యుగ లక్షణమన్నారు. ఏవేవో కారణాలు చెప్పారు, ఏది ఏమైనప్పటికినీ వీరి పాదములు తెగిపోయాయి" అన్నది.
పరీక్షిత్తు ఇందాక గోవును బాధించిన వానిగురించి వెతుకు చుండగా, ఆ నృపాకారుడైన వాడు వచ్చి గభాలున పరీక్షిత్తు పాదాలమీద పడి అయ్యా రక్షించండి నేనే నరికేశాను ఆపాదాలు అన్నాడు. నన్ను కలి పురుషుడంటారు. నా ప్రవేశం వలననే ధర్మమునకు 3 పాదాలు తెగిపోయాయి. ఈ కలియుగంలో నేను నిలబడాలంటే ధర్మం నశించాలి. అందుకు అనువుగా భగవంతుడే తన అవతారం చాలించాడు. కానీ నేను ఇంకా సరిగా నా ప్రభావాన్ని చూపకముందే, నీవు నన్ను అవరోధిస్తున్నావు. నేను ఎక్కడికెళితే అక్కడ నీవు ధనుర్భాణాలు పట్టుకు నిల్చుంటున్నావు. అలా కాదు నాకో అవకాశం ఇవ్వు. నువ్వు ఫలానా చోట ఉండు అని చెప్పు. నేనక్కడ ఉంటాను. అంతే కానీ నే వెళ్లినచోటల్లా నీవు అండగా నిలబడితే యుగధర్మం నెరవేరదు. ఇది కలియుగం. నేను ప్రవేశించి తీరాలి. కా బట్టి నాకు కొన్ని స్థానాలు ఇవ్వు. అని వేడుకున్నాడు.
అప్పుడు పరీక్షిత్తు చెప్పాడు. నీకు 4 స్థానాలు ఇస్తున్నాను అక్కడ నీవు ఉండవచ్చు.
1 : జూదశాల యందు నీవు ఉండ వచ్చు.
2 : పాన ( మద్య ) శాలయందు నీవు ఉండవచ్చు.
3 : స్వేఛ్చావిహరిణులై ధర్మమునకు కట్టు బడక ఆచార భ్రష్టులైన స్త్రీల యందు నీవు ఉండవచ్చు.
4 : జీవ హింస జరిగే టటువంటి ప్రదేశములయందు నీవు ఉండవచ్చు.
అది విని కలిపురుషుడు అయ్యా మీరు నాలుగుస్థానాలిచ్చారు. కానీ వాటయందు నేను నిలబడడానికి వీలుకలిగేటట్టు లేదు. ( పరీక్షిత్తు పరిపాలనలో ప్రజలెవ్వరూ వాటి జోలికి వెళ్లరు కనుక ) నాకు ఇంకొక్క స్థానాన్ని ప్రసాదించండి అని అడిగాడు.
అందుకు పరీక్షిత్తు
5 : బంగారం ఇచ్చాను అన్నాడు.
అది విని చాలు మహాప్రభో చాలు అని నమస్కరించి వెళ్లి పోయాడు కలిపురుషుడు.
పరీక్షిత్ మహారాజు ఒంటినిండా బంగారమే.. అలా కలి పరీక్షిత్తు నందు ప్రవేశించాడు. పరీక్షిత్తు ఆ ప్రభావంతో వేటకి ( అహింస కు ) వెళ్లి, అక్కడ తపస్సునందు నిమగ్నుడైన శమీక మహాముని పై చచ్చిన పామును వేస్తాడు. అది తెలిసి శమీక మహర్షి కుమారుడు శృంగి కోపోగ్రుడై "ఏడురోజులలో తక్షకుని చేతిలో మరణించమని" పరీక్షిత్తును శపించడము, రాజ్యానికి తిరిగి వచ్చినతరువాత తన తప్పు తెలుసుకున్న పరీక్షిత్తు పశ్చాత్తాప హృదయుడై ఉండగా శుకుడు వచ్చి భాగవతమును ఏడురోజులలో వినిపిస్తాడు.
కావున పై 5 విషయములందును కలి పురుషుని ప్రభావం ఉండును. వీనిలో దేనికి లోనైననూ మనం నైతికంగా పతనమవుతాము. భగవంతునికి దూరమవుతాము. కలి ప్రభావమునుండి భగవన్నామము ఒక్కటే మనను రక్షించ గలదు.
source :-
templesdiary.com
Read more >>
రాక్షసులను సంహరిస్తూ దుష్ట శిష్ఠరక్షణ కావిస్తూ, కురు పాండవ సంగ్రామంలో అర్జునుడికి రధసారధియై అర్జునిలో ఏర్పడిన అజ్ఞాననాంధకారాన్ని తొలగించుటకు విశ్వరూపాన్ని ప్రదర్శించి గీతను బోధించి తద్వారా మానవాళికి జ్ఞానామృతాన్ని ప్రసాదించిన దివ్యమూర్తి శ్రీకృష్ణుడు.
సుమారు 30 శతాబ్దాలకు పూర్వం అంటే క్రీస్తు పూర్వం 3122లో ద్వారకా పట్టణమునందు కృష్ణభగవానుడు నిర్యాణము చెందినట్లు తెలుస్తోంది. నాటినుండే కలి ప్రవేశముతో "కలియుగం" ఆరంభమైందని ప్రముఖ భాగవోత్తములు చెబుతున్నారు.
అట్టి "గీతాచార్యుడు" కృష్ణ పరమాత్మ జన్మాష్టమినాడు సూర్యోదయమునకు పూర్వమే లేచి, చల్లని నీటిలో "తులసీదళము"లను ఉంచి స్నానమాచరించినట్లైతే సమస్త పుణ్య తీర్థములలో స్నానమాచరించిన పుణ్యఫలాన్ని పొందుతారని పురోహితులు అంటున్నారు.
ఇంకా కృష్ణాష్ఠమి రోజున మనమందరం గృహాల ముందు ముత్యాల ముగ్గులతో, పచ్చని తోరణాలతో కృష్ణపాదాలు రంగవల్లికలతో తీర్చిదిద్ది ఆ కృష్ణ పరమాత్మను ఆహ్వానం పలుకుదాం.
అంతేకాదు.. శ్రీ కృష్ణాష్టమి రోజున
కృష్ణ! త్వదీయ పదపంకజ పంజర్తానం
అద్వైవమే విశతు మానసరాజహంసః ||
ప్రాణ ప్రయాణసమమే కఫవాత పిత్తై
కంఠావరోధనవిదే స్మరణ కుతస్తౌ||
తాత్పర్యం: మరణసమయాన నిన్ను స్మరించుచు నీలో ఐక్యమవ్వాలనే కోరిక ఉన్నది కాని.. ఆ వేళ కఫవాత పైత్యములచే కంఠము మూతపడిపోయి నిన్ను స్మరించగలనో? లేనో? అని ఇప్పుడే నా "మానస రాజహస"ను శతృ అబేధ్యమైన "నీ పాద పద్మ వజ్ర పంజర" మందు ఉంచుతున్నాను తండ్రీ.. అని ప్రార్థించిన వారికి ముక్తితో పాటు పుణ్యఫలాలు సిద్ధిస్తాయని విశ్వాసం.
అందుచేత పరమ పుణ్యదినమైన శ్రీ కృష్ణ జన్మాష్టమి నాడు విశేషార్చనలు జరిపించి కృష్ణభగవానుడి ఆశీస్సులతో పునీతులవుదాం..
source :-
templesdiary.com
Read more >>
ఆవు కడుపులోని దూడ కనిపించును
రెండు యోనుల దూడ పుట్టేనయ!
మూడు కాళ్ళావుకు మనుజుడే పుట్టేను
ప్రజలతో వాదముల్ చేసేనయా!
తల్లి గర్భమునుండి బిడ్డ పుట్టిన క్షణమే
తల్లితో మాట్లాడు నమ్మండయ!
ఒకరి ఆలిసొమ్ము యింకొకరి పాలగు
యిదియేమి చిత్రమో తెలియండయ!
మేకలు పులులును ఒక్క రేవులోనె
నీరు త్రాగేకాల మెచ్చేనయా!
మనిషి మనిషిని చంపి మాంసంబుగా జేసి
మణుగొకనూటికి అమ్మేరయ!
వావి వరుసలు లేక పెండ్లిండ్లు జేసేరు
కుల గోత్రమన్నది మరిచేరయా!
కాసులున్న యెడల దాసికొడుకుని కైన
కట్నాలతో పెండ్లి జేసేరయా!
ఆకాశమందు దేవతలు పిలిచేరు
అష్టదిక్పాలకులు అదిరిపడి లేచేరు
ఆకాశవాణియు, హరహరయని యేడ్చు
అది విన్న పాపులు అదిరిపడి సచ్చేరు!
చంటి బిడ్డలకన్న బలహీనమైనట్టి
మనుషులే యిలలోన పుడతారయా!
కుక్క నక్కలు బట్టి చంపుకొని తినియేను
పెద్దగాలికి యెగిరిపోయెరయా!
తల్లి బిడ్డను నమ్మి బిడ్డ తల్లిని నమ్మి
జీవించు రోజులే పోయేనయా!
దైవంబునే మరచి జీవించువారికి
నమ్మకం బెట్లొచ్చు తెలియండయా!
దున్న పోతుమీద యమధర్మరాజొచ్చి
ప్రజలకు హితబోధ చేసేనయా!
పెడ చెవిని పెట్టేటి ప్రజలచూచి తాను
పెద్దగా నిట్టూర్పు విడిచేనయా!
మనసులోని విషము మాటలోన తీపి
కలిమాయ కొడుకులను తెలియండయా!
హెచ్చరిక లేకుంటె క్షణములో మ్రింగేరు
కొండ సిలలే మేలు నమ్మండయా!
కాణి పాకము లోని విఘ్నేశ్వర స్వామి
గంగ పై వెలిసేని తెలియండయా!
ఆ గంగ రక్తమై ఆరు ఆమడ పారు
అప్పుడే నారాక నమ్మండయా!
నేనొచ్చువేలను తెలియ చేసెద వినుడు
యెఱ్ఱ చీమలన్ని యేనుగులా కనబడును
కందిమల్లయ్య పల్లె పెద్ద పట్నంబౌను
నా మఠము శిధిలమై దొండతెగలు క్రమ్ము
దేవాలయములోని విగ్రహము లన్నియు
నృత్యంబు సలుపుచు పాడేనయ
క్షుద్ర దేవతలన్నీ గ్రామాలపై బడి
పాపాత్ములను యేడిపించేనయా!
source :-
templesdiary.com
Read more >>
