రజనీకాంత్ అభిమానులకు ఈ ఏడాది దీపావళి పండుగ కాస్త ముందుగానే వచ్చేస్తోంది. అవును... రజనీకాంత్ నటిస్తున్న 'కొచ్చాడియాన్' సినిమాను ఈ ఏడాది దీపావళికి విడుదల చేయనున్నట్టు మొదట్లో ప్రకటించారు. అయితే, నిర్మాణ పనులు వేగంగా జరుగుతుండడంతో, ఇంకా ముందుగానే అంటే సెప్టెంబర్ లోనే చిత్రాన్ని విడుదల చేయనున్నట్టు నిర్మాతలు అభిమానులకు తాజాగా శుభవార్త చెప్పారు. రజనీ సినిమా అంటే అభిమానులకు ఎలాగూ దీపావళి లాంటిదే! ఇక, ఈ చిత్రం షూటింగు విషయానికొస్తే, తాజా షెడ్యులు కేరళలో ప్రారంభమైంది. కేరళలోని అందమైన లొకేషన్లలో భారీ షెడ్యుల్ ని ప్లాన్ చేశారు. రజనీతో బాటు ప్రధాన తారాగణం ఈ షూటింగులో పాల్గొంటున్నారు. రజనీకాంత్ పక్కన బాలీవుడ్ భామ దీపికా పదుకొనే కథానాయికగా నటిస్తున్న ఈ చిత్రానికి రజనీ చిన్న కూతురు సౌందర్య దర్శకత్వం వహిస్తోంది.
0 comments:
Post a Comment