మ్యూజిక్ సిటింగ్స్ లో ‘గబ్బర్ సింగ్’

ప్రస్తుతం కోల్ కతాలో ‘కాళీ’ చిత్రం షూటింగులో బిజీగా వున్న పవన్ కల్యాణ్, దీని తర్వాత ‘గబ్బర్ సింగ్’ సినిమాలో నటించనున్న సంగతి తెలిసిందే. ‘మిరపకాయ్’ చిత్ర దర్శకుడు హరీష్ శంకర్ దర్శకత్వం వహించే ఈ చిత్రానికి సంబంధించిన స్క్రిప్టు వర్క్ కూడా పూర్తి చేశారు. హిందీ చిత్రం ‘దబాంగ్’ రీమేక్ గా దీనిని నిర్మిస్తున్నప్పటికీ తెలుగు నేటివిటీకి, పవన్ కల్యాణ్ ఇమేజ్ కీ అనుగుణంగా కథను పూర్తిగా మార్చినట్టు తెలుస్తోంది.
ఈ చిత్రంలో కథానాయికగా కాజల్ ను ఇప్పటికే ఎంపిక చేశారు. కాగా, దీనికి దేవిశ్రీ ప్రసాద్ సంగీతాన్ని సమకూర్చబోతున్నాడు. ప్రస్తుతం చెన్నయ్ లో మ్యూజిక్ సిటింగ్స్ జరుగుతున్నాయని అంటున్నారు. ఆమధ్య పవన్ కల్యాణ్ నటించిన ‘జల్సా’ సినిమాకు దేవిశ్రీ ఇచ్చిన పాటలు మ్యూజికల్ హిట్ అయిన సంగతి మనకు తెలుసు. ఈ సినిమా షూటింగ్ త్వరలో ప్రారంభం కానుంది.