మెడిసిన్‌ కోర్సులన్నీ బెస్టే !

వైద్య విద్యా కోర్సులన్నింటిలోకి అలో పతి వైద్య, విధానానికే అగ్రస్థానం. మిగతా వైద్య విధానాలతో పోలిస్తే ఆధునికమైనదిగా వ్యాధిని త్వరగా తగ్గించగల సామర్థ్యం ఉన్నదిగా ఎం.బి.బి. ఎస్‌కు గుర్తింపు ఉంది. స్కానింగ్‌ వంటి అత్యంత ఆధునిక శాస్త్ర సాంకేతిక పరిజ్ఞానాన్ని ఉపయో గించడం వల్ల వ్యాధి నిర్థారణ తేలిక అవుతుంది. శస్త్రచికిత్స సదుపాయం ఈ వైద్య విధానానికి వరం లాంటిది. అత్యంత క్లిష్టమైన పరిస్థితుల్లో సైతం ఆపరేషన్‌ ద్వారా రోగి ప్రాణాలు కాపాడిన సంఘ టనలు ఆలోపతి వైద్య చరిత్రలో ఎన్నో వున్నాయి. ఔషధాలను కృత్రిమ రసాయన సాధనాలతో పెద్ద ఎత్తున తయారు చేయవచ్చు. వీటన్నింటి వల్లా ఈ విధానం ప్రజలకు దగ్గరై బహుళ ప్రాచుర్యం పొందింది. ఎం.బి.బి.ఎస్‌ నాగున్నర సంవత్సరాల కోర్సు. ఒక సంవత్సరం ఇంటర్న్‌షిప్‌ ఉంటుంది. మిగతా వైద్య విద్యా కోర్సులతో పోలిస్తే ఎం.బి.బి. ఎస్‌ అభ్యర్థులకు ఉన్నత విద్యావకాశాలు అపారం గా ఉన్నాయి. డిగ్రీ తరువాత పోస్ట్‌ గ్రాడ్యుయేషన్‌ సూపర్‌ స్పెషాలిటీ కోర్సులు చదవచ్చు. పి.జి. స్థాయిలో డిగ్రీ, డిప్లామా కోర్సులు ఉంటాయి. ఎం.బి.బి.ఎస్‌ డాక్టర్లకు ఉద్యోగ అవకాశాలు ఎప్పు డూ అధికమే. అయితే ఇటీవలి కాలంలో అవి మరింత విస్తరించాయి. ప్రయివేటు రంగంలో ఆసు పత్రులు విస్తరించటం వల్ల గతంలో లాగా డాక్టర్లు విదేశాలకు వెళ్ళాలని ఆశించటం లేదు. విదేశాలకు వెళ్ళిన వారిలో కొంతమంది భారతదేశానికి తిరిగి వస్తున్నారు కూడా పోస్ట్‌గ్రాడ్యుయేషన్‌, సూపర్‌ స్పెషాలిటీ చేసిన వారికి మరీ అధికం. అనుభవం పెరిగే కొద్దీ అవకాశాలతో పాటు ఆదాయమూ పెరుగుతుంది. ఎం.బి.బి.ఎస్‌ అభ్యర్థులకు ప్రభుత్వ రంగంలో సివిల్‌ అసిస్టెంట్‌ సర్జన్‌ఉద్యోగాలు లభి స్తాయి. ఉద్యోగమంటే ఇష్టం లేనివారు స్వయంగా ప్రాక్టీసు పెట్టుకోవచ్చు. నర్సింగ్‌హోమ్‌ను కూడా స్థాపించవచ్చు. మొత్తం మీద ఎం.బి.బి.ఎస్‌ చది విన వారికి ఉన్నత విద్యాభ్యాసపరంగా ఉద్యోగ అవకాశాలపరంగా సంతృప్తికరమైన అవకాశాలు ఉన్నాయని చెప్పవచ్చు.

హోమియోపతి(బి.హెచ్‌.ఎం.ఎస్‌)

భారతదేశంలో ఎం.బి.బి.ఎస్‌ తర్వాత బహుళ ప్రాచుర్యం పొందిన వైద్య విధానం హోమియోపతి. వ్యాధి నిదానంగానే అయినా సమూలంగా తగ్గిపో తుందనీ దీర్ఘరోగాలకూ మొండి వ్యాధులకు(గ్యాస్‌ ట్రబుల్‌... అల్సర్‌, పక్షవాతం మొ.నవి) మంచి మందులు ఉన్నాయనీ ఇతరత్రా దుష్ఫలితాలు(సైడ్‌ ఎఫెక్ట్స్‌) ఉండవనీ హోమియోకు పేరు ఉంది. ఈ విధానంలో వ్యాధి లక్షనాలను అణిచివేయకుండా వ్యాధి మూలాన్ని కనుగొని చికిత్స చేస్తారు. మందు ల ఖర్చుబాగా తక్కువ కావడం వల్ల చికిత్స అన్ని వర్గాల వారికి అందుబాటులో ఉంటుంది. ఒక విధంగా చెప్పాలంటే వైద్య విద్య చదివే పేద ప్రజ లకు అందుబాటులో ఉండాలనుకొనే వారికి ఇది సరైన ఎంపిక అవుతుంది. హోమియో విద్యను బి.హెచ్‌.ఎం.ఎస్‌ (బ్యాచిలర్‌ ఆఫ్‌ హోమియోపతిక్‌ మెడిసిన్‌ అండ్‌ సర్జరీ) అని వ్యవహరిస్తారు. ఈ కోర్సు కాల వ్యవధి నాలుగున్నర సంవత్సరాలు, గ్రాడ్యుయేషన్‌ పూర్తి చేసిన వారికి ఉన్నత విద్యావ కాశాలుంటాయి. ప్రభుత్వ ఆసుపత్రులలో మెడికల్‌ ఆఫీసర్‌ ఉద్యోగాలు లభిస్తాయి. ఇది గెజిటెడ్‌ పోస్టు. ఎం.బి.బి.ఎస్‌ అభ్యర్థులకు లభించే సివిల్‌ అసిస్టెంట్‌, సర్జన్‌కు సమానమైన ఉద్యోగం, వారితో సమానంగా జీతభత్యాలు లభిస్తాయి. ఉద్యోగం లభించకపోయినా అభ్యర్థులు ప్రైవేటు ప్రాక్టీసు పెట్టుకోవచ్చు. మంచి చికిత్సను అందిస్తూ అలోపతి వైద్యులతో సమానంగా సంపాదిస్తున్న) హోమియో డాక్టర్లు ఎంతో మంది వున్నారు.

నేచురోపతి(బి.ఎన్‌.వై.ఎస్‌)

వ్యాధి వల్ల కలిగే బాధలకన్నా ఆ వ్యాధి నివారణకు వాడే మందుల వల్ల సంభవించే సైడ్‌ ఎఫెక్ట్స్‌ అధికం అవుతుండటంతో ఆధునిక వైద్యం పట్ల విసిగి పోయిన చాలా మంది ఇటీవలి కాలంలో ప్రకృతి వైద్యం పట్ల మక్కువ చూపుతు న్నారు. దీనిని ఇంగ్లీషులో నేచురోపతి అంటారు. నేచురోపతి డాక్టర్‌ కావాలంటే బి.ఎస్‌.వై.ఎస్‌ చదవడమే ఏకైకమార్గం. బ్యాచిలర్‌ ఆఫ్‌ నేచురోపతి అండ్‌ యోగిన్‌ సైన్స్‌స్‌ దీని పూర్తి రూపం. ఇది నాలుగు సంవత్సరాల కోర్సు. ఆ తరువాత ఒక ఏడాది ఇంటర్న్‌షిప్‌ వుంటుంది. ఈ విధానంలో ఎటువంటి మందులూ వాడరు.ఉపవాసం, నిర్ణీత పద్ధతిలో భోజనం, కూరగాయాల వాడకం, ఆవిరి స్నానంతో చికిత్స చేస్తారు. ప్రజలలో యోగ, సహజ సిద్ధ వైద్యంపైకి ఆసక్తి పెరగటంతో ప్రైవేటు ప్రాక్టీస్‌కు అవకాశాలు పెరిగాయి.

విదేశాలలో ఎక్కడా ప్రకృతి వైద్యంలో బ్యాచిలర్స్‌ డిగ్రీ లేదు. కాబట్టి భారతీయ అభ్యర్థులకు విదేశాలలో కూడా మంచి ఆదరణ లభిస్తుంది.