యన్టీఆర్ ఫైట్లు చేసి చేసి... కాస్త రిలీఫ్ కోసం ఇప్పుడు పాటల్లో పడ్డాడు. అవును... 'దమ్ము' సినిమా కోసం త్రిషతో కలిసి ప్రస్తుతం తను డ్యూయెట్లు పాడుతున్నాడు. బోయపాటి శ్రీను దర్శకత్వంలో రూపొందుతున్న ఈ చిత్రం షూటింగు గత కొన్ని రోజుల నుంచీ తమిళనాడులోని పొల్లాచి ప్రాంతంలో జరుగుతోంది. యన్టీఆర్, కొందరు ఫైటర్లు పాల్గొనగా ముందుగా ఓ యాక్షన్ ఎపిసోడ్ చిత్రీకరించారు. అనంతరం ఇప్పుడు ఓ పాటను శంకర్ మాస్టర్ నృత్య సారధ్యంలో యన్టీఆర్, త్రిషలపై చిత్రీకరిస్తున్నారు. మరో రెండు రోజుల్లో ఈ పాట చిత్రీకరణ పూర్తవుతుందనీ, దాంతో ఇక కొంత టాకీ పార్ట్ తో బాటు మరో రెండు పాటల షూటింగు మిగిలి ఉంటుందనీ యూనిట్ సభ్యుల ద్వారా తెలుస్తోంది. పొల్లాచ్చి నుంచి రాగానే ఈ చిత్రీకరణ పూర్తి చేస్తారు. వచ్చే నెలలో ఆడియోను విడుదల చేస్తారు.
No comments:
Post a Comment